تجربتي مع عملية تصحيح النظر

من فترة وأنا أفكر أتخلص من النظارات وأعيش حياتي بدون ما ألبس شيء عشان أشوف الدنيا زين، بس هذا التفكير يروح كل ما أتذكر إن فيه شيء بيلمس عيني، كون عندي فوبيا (أو شيء يشبه للفوبيا) من لمس العين!

الفوبيا هذي تتعدى العمليَّة، وتوصل لقطرات العيون، واللي تعتبر ضرورية بعد العمليَّة لفترة.

المهم، شفت إعلان في تويتر لعيادات ابن رشد، الإعلان يقول إن الفحص لعمليَّة الليزك مجاني، قلت “شيء بلاش ربحه بيّن!” وحجزت موعد.

رحت وسويت الفحوصات (بطلعة الروح) كون إن كل الفحوصات تتطلب تقريب شيء من عيوني، وقابلت الاستشاري د.ماجد العبيلان، وبدأ يشرح لي عن العمليات وأنواعها، ونصحني إني أسوي عمليَّة اسمها ويف ليزك (WaveLase)، واللي -حسب كلامه- تعتبر العمليَّة المطورة من عمليَّة الليزك بشتَّى أنواعها.

عشان أختصر عليكم الشرح، وبقولكم اللي فهمته من كلام الدكتور: عمليَّة الليزك تتطلب قص طبقة من قرنيَّة العين، وهذا الشيء ما يناسب كل العيون، لأن المفروض ما يقل سُمك عينك بعد العمليَّة عن رقم معيَّن، فـ إذا كانت قرنيتك سخيفة ما تقدر تسوي العمليَّة.

كانت قدامي كل الخيارات، لكني قلت بسوي الشيء الجديد، واللي نسبة ثبات النظر بعد العمليَّة طوال العمر توصل لـ 97%، وتوكلت على الله.

موعد العمليَّة كان يوم 1 فبراير، ودخلت وأنا متوتر جدًا، سويت الفحوصات اللي قبل العمليَّة، ودخلت غرفة العمليَّات، وطلعت بعدها بـ 10 دقائق وأنا لابس نظارة تقول للهواء والغبار “أتحداكم تدخلون”!

العمليَّة كانت قصيرة جدًا، لكن النظر ما رجع مباشرة.

أول ساعتين بعد العمليَّة كانت هادئة، بسبب المخدر اللي حطوه على عيوني، لكن بعدها جاني صداع ما قد حسيت فيه من قبل، أخذت مسكن ونمت اليوم كله، ونص اليوم اللي بعده، وقمت من النوم بدون صداع.

من بعد العمليَّة، المفروض ابدأ آخذ 3 قطرات، وحدة منهم مرطبة للعين، والقطرة المرطبة مهمة جدًا لأنها بتخفف الشعور المزعج اللي تسببه عدسة الحماية اللي حطوها على عيوني بعد العمليَّة، والقطرتين الثانية مدري وش فايدتها صراحة، بس إني آخذها.

بعد العمليَّة بأسبوع واحد شلت العدسات، والنظر صار أحسن، لكن للحين ما صار Full HD!

لأن موضوع عودة النظر بنسبة 100% ياخذ من 5 إلى 6 أسابيع من العمليَّة.

بس الشيء الحلو إن بعد يومين من العمليَّة صرت أقدر أشوف الأجهزة لمدة 30 دقيقة متواصلة تقريبًا بدون أي إزعاج، وبعد أسبوع صرت أسوق بدون ما أحس إن فيه ضغط بعيني

إيه .. إذا سقت بتحس فيه ضغط بعينك لأنك قاعد تجهدها، والشعور مزعج مرة، لأني سقت بعد العملية بكم من يوم وكل شوي أوقف على جنب وأقطر بعيوني وأريحها، يعني لو تدخل الدائري احتمالية إنك تسوي حادث تتجاوز 99%.

وبس والله، هذا كان ملخص تجربتي مع عملية تصحيح النظر، أو الويف ليزك، أو WaveLase

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s